Бишкек, 23.03.26. /Кабар/. Ички иштер министри Улан Ниязбековго коомдук жайда тамеки чеккени үчүн айып салынды. Бул тууралуу ИИМден билдиришти.
Ведомстводон маалымдашкандай, социалдык тармактарда министрдин коомдук жайда тамеки чегип жаткан видеосу тараган.
Бул факты боюнча милиция кызматкерлери тарабынан мыйзамда белгиленген тартипте протокол түзүлүп, Улан Ниязбеков 3 миң сом айып пул төлөдү.
Министрликтен белгилешкендей, мыйзам талаптарын так сактоо кызмат ордуна карабастан бардык жарандар үчүн милдеттүү.
