Бишкек, 26.10.26. /Кабар/. Ош шаарындагы "Төлөйкөн" ат майданында 20-25-октябрь күндөрү өткөн көк бөрү боюнча Кыргызстандын биринчилиги жыйынтыкталды. Бул тууралуу президенттин Ош облусундагы өкүлчүлүгүнөн билдиришти.
Мелдешке өлкөнүн жети облусунан жана Бишкек, Ош шаарларынан жалпы тогуз команда катышты.
Жыйынтыгында Чүй облусунун командасы биринчи орунду ээлеп, 1 млн сом байгеге ээ болду. Талас облусунун командасы экинчи орунга чыгып, 500 миң сом, ал эми Ош облусунун командасы үчүнчү орунду алып, 250 миң сом утту.
Жеңүүчүлөргө сыйлыктарды президенттин Ош облусундагы ыйгарым укуктуу өкүлү Аманкан Кенжебаев тапшырды.
