Бишкек, 28.01.26. /Кабар/. Бүгүн энергетика министри Таалайбек Ибраев Жалал-Абад электр тармактар ишканасынын Көк-Арт райондук электр тармактарынын жаңыланган имаратынын ачылыш аземине катышты.
Ведомстводон маалымдашкандай, аталган имараттын капиталдык оңдоп-түзөө иштери 2025-жылы март айында башталып, ошол эле жылдын ноябрь айында толугу менен жаңыланып бүткөн. Жаңыланган имарат 112 кызматкерге ылайыкташылган.
Долбоордун жалпы наркы 5,7 млн сомду түзүп, "Кыргызстан улуттук электр тармактары" ААКтын өздүк каражатынын эсебинен каржыланды.
Иш-чаранын алкагында министр калкты үзгүлтүксүз электр энергиясы менен камсыз кылуунун сапатын мындан ары дагы жогорулатуу жана ыкчам тейлөө максатында Жалал-Абад электр тармактарынын кызматкерлери үчүн бир атайын техниканын ачкычын тапшырды.
