Бишкек, 27.10.25. /Кабар/. Нарын облусунун Кочкор районундагы борбордук стадиондо ири реконструкция иштери жүрүп жатат.
Курулуш министрлигинен билдиришкендей, долбоор Кыргызстандын президенти Садыр Жапаровдун тапшырмасынын негизинде ишке ашырылып жатат.
Жүргүзүлүп жаткан иштердин максаты - улуттук стандарттарга жооп берген заманбап спорттук инфратүзүмдү түзүү. Стадион жаштар үчүн райондук, республикалык деңгээлдеги мелдештерди өткөрүүгө багытталган, маанилүү борбор болот.
Белгилей кетсек, стадион 1980-жылы курулуп, андан бери реконструкциядан өткөн эмес.
