Бишкек, 22.09.25. /Кабар/. Кочкор районундагы жаңы оорукананын курулушу башталды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Күн мурун курулуш министри Нурдан Орунтаев Нарын облусуна жумушчу сапары менен барып, аталган оорукананын абалы менен таанышты.
Министр объектинин курулушун өз убагында сапаттуу бүткөрүүнү тапшырып, мамлекет башчысынын жеке көзөмөлүндө экенин белгиледи.
Бул долбоор район тургундарына медициналык кызмат көрсөтүү сапатын жогорулатуу жана дарылануудагы заманбап шарттарды түзүүгө багытталган.
Белгилей кетсек, президент Садыр Жапаровдун тапшырмасы жана УКМКнын төрагасы Камчыбек Ташиевдин жеке көзөмөлү менен Нарын облусундагы бир катар маанилүү социалдык объектилер курулат. Анын ичинде бул оорукананын курулушу дагы бар.
