Бишкек, 29.09.25. /Кабар/. Дүйшөмбү күнү күмүштүн баасы бир унция үчүн 47 доллардан ашып, соода маалыматтарына караганда акыркы 14 жылда биринчи жолу кымбаттады.
Москва убактысы боюнча саат 7:14кө карата Нью-Йорктогу Comex биржасында декабрь айындагы күмүш фьючерстеринин баасы 1,22% кымбаттап, унциясы үчүн 47,225 долларды түздү. Бул баа 2011-жылдын 2-майынан бери биринчи жолу унция үчүн 47 доллардан жогору көтөрүлдү.
Ошол эле учурда декабрь айындагы алтын фьючерстери 16,12 долларга же 0,42%га кымбаттап, троя унциясы үчүн 3825,12 долларды түздү.
