Бишкек, 27.07.26. /Кабар/. 23–24-июль күндөрү Беларусь Республикасынын Минск шаарында өткөн КМШнын XXIII Эл аралык "Искусство книги" сынагында Кыргыз Республикасы тарыхый ийгилик жаратып, жалпысынан 9 абройлуу сыйлыкка ээ болду.
Маданият министрлигинен билдиришкендей, аталган абройлуу эл аралык сынакка Азербайжан, Беларусь, Казакстан, Кыргызстан, Россия, Тажикстан жана КМШнын Аткаруу комитетинин өкүлдөрү катышты.
Сынактын жыйынтыгында Кыргызстандын басылмалары төмөнкүдөй сыйлыктарга татыды:
- Гран-при – 1;
- Атайын сыйлык – 1;
- I орун – 1;
- II орун – 3;
- III орун – 3.
Белгилей кетсек, XXIII Эл аралык "Искусство книги" сынагынын жеңүүчүлөрүнө дипломдорду жана сыйлыктарды расмий тапшыруу аземи Кыргыз Республикасынын Маданият, маалымат жана жаштар саясаты министрлиги тарабынан белгиленген тартипте өткөрүлөт.
