Бишкек, 08.06.26. /Кабар/. Бүгүн өзгөчө кырдаалдар министри Канатбек Чыныбаев Ош облусунун Кара-Суу жана Алай райондорундагы селдин кесепеттерин жоюу жана калыбына келтирүү иштеринин жүрүшү менен таанышты.
Ведомстводон маалымдашкандай, иш сапардын алкагында министр Кара-Суу районунда Ош – Эркечтам унаа жолунун 7-чакырымында жайгашкан Муян каналын кеңейтүү иштерин жеринен көрүп, тиешелүү кызматтарга конкреттүү тапшырмаларды берди.
Ошондой эле Алай районунун Гүлчө айылында жана башка калктуу конуштарда жүргүзүлүп жаткан калыбына келтирүү иштерин текшерип, объектилердеги жумуштарды сапаттуу жана белгиленген мөөнөттө аяктоо боюнча милдеттерди койду.
