Бишкек, 13.07.26. /Кабар/. Жер-Өгүз районунун Көк-Жайык жайлоосунда экологиялык эрежелерди бузгандар аныкталды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, министрликке караштуу Экологиялык жана техникалык көзөмөл кызматынын инспекторлору жайлоодо рейд өткөрүшкөн. Натыйжада таштандыларды белгиленбеген жерлерге таштоо жана саркынды сууларды түз агызуу фактылары катталган.
Мыйзам бузуулар боюнча жалпы 6 административдик протокол түзүлүп, жоопкерчиликсиз жарандарга жана эс алуучуларга карата жалпы суммасы 62 миң сом өлчөмүндө айып пул салынды.
