Бишкек, 25.12.25. /Кабар/. Көк бөрү федерациясынын президенти кармалды. Бул тууралуу УКМКдан билдиришти.
Маалыматка ылайык, Көк бөрү федерациясынын президенти Ж.Р.М. УКМК тарабынан жүргүзүлүшү мүмкүн болгон текшерүүлөрдөн коргоо шылтоосу менен атайын кызматтагы байланыштарына таянып, ЖЧКлардын биринин жетекчисинен 390 миң доллар алган.
22-декабрда "Алдамчылык" беренеси боюнча козголгон кылмыш ишинин алкагында Ж.Р.М. кармалып, УКМКнын убактылуу кармоочу жайына киргизилди.
Учурда тиешелүү тергөө жана ыкчам иш-чаралар уланууда.
