Бишкек, 27.11.25. /Кабар/. Россиядан күйүүчү май алуу жаатында Кыргызстанда эч кандай көйгөй жаралган эмес. Бул тууралуу министрлер кабинетинин төрагасынын биринчи орун басары Данияр Амангелдиев билдирди.
Анын айтымында, Россиянын президенти Владимир Путиндин Кыргызстанга болгон мамлекеттик сапарынын алкагында 2026-жылга карата жаңы келишимге кол коюлду.
"Келишим биздин экономикабыздын өсүшүнө байланыштуу күйүүчү майга болгон суроо-талапты эске алуу менен түзүлдү.
Биз жөнөткөн сурамдар дайыма кабыл алынып, өз убагында аткарылып келет. Мурун Россия бизге жылына 1 млн тонна күйүүчү май жеткирсе, жаңы келишимге ылайык, бул көлөм 1 млн 200 миң тоннага чейин көбөйтүлдү. Россия тарап биздин сурамдарды 100 пайыз аткарып жатат",-деп белгиледи ал.
Белгилей кетсек, Амангелдиев буга чейин тигүү тармагындагы көйгөйлөр жакында чечилерин айткан.
