Бишкек, 17.11.25 /Кабар/. Аксы районуна караштуу Кербен шаарында 275 орундуу мектептин курулушу башталды.
Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттен каржыланып, Турак жай-жарандык курулуш департаменти тарабынан ишке ашырылат. Объекттин наркы 188 млн сомго бааланды.
Башкы план боюнча мектеп заманбап үлгүдө салынып, эки кабаттуу окуу корпусу жана спорт залынан турат. Мындан тышкары, лаборатория, китепкана, дарыгердин кабинети жана балдар, кыздар үчүн эмгек класстары каралат.
Учурда объекттин пайдубалын түптөө иштери жүрүп жатат.
