Бишкек, 10.11.25. /Кабар/. Кеминдеги стадиондун эскиздик долбоору иштелип чыкты. Бул тууралуу Курулуш, архитектура жана турак жай-коммуналдык чарба министрлигинен билдиришти.
Эскиздик долбоор Кемин райондук шаар куруу жана архитектура башкармалыгынын архитекторлору тарабынан иштелип чыкты.
Стадиондун жалпы аянты 3,8 гектар жерди түзөт. Долбоорго ылайык, футбол талаасы, чуркоо жолдору, баскетбол жана кичи футбол аянтчалары, көрүүчүлөр үчүн ыңгайлуу трибуналар, жашыл аймак жана унаа токтотуучу жай каралган.
Бул спорт аянтчасы аймактагы жаштардын спорт менен машыгуусуна, калктын бош убактысын пайдалуу өткөрүүсүнө жана шаар инфраструктурасынын өнүгүшүнө өбөлгө түзөт.
