Бишкек, 17.08.26. /Кабар/. Кемин шаарында дүкөндөрдүн, банктардын жана башка коомдук объектилердин сырткы көрүнүшүнүн эскиздик долбоорлору иштелип чыгууда. Бул тууралуу Курулуш, архитектура жана турак жай-коммуналдык чарба министрлиги билдирет.
Эскиздик долбоорлордо имараттардын фасаддарынын түсү, архитектуралык чечимдери, көрнөк-жарнактарды жайгаштыруу жана башка тышкы элементтерди бирдиктүү талаптарга ылайыкташтыруу каралган.
Дизайн-коддун негизги максаты — шаардык чөйрөнүн архитектуралык биримдигин камсыз кылуу, көчөлөрдүн эстетикалык көрүнүшүн жакшыртуу жана Кемин шаарын заманбап, көрктүү шаардык чөйрөгө келтирүү.
