Бишкек, 23.07.25. /Кабар/. Өлкө аймагында коопту жана оор жүктөрдү ташыган унааларды текшерүүгө багытталган "Кооптуу жүк" рейди башталды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, рейддик иш-чаралар Жол көзөмөлдөө бөлүмү тарабынан 23-июлдан 2-августка чейин өлкөнүн бардык аймактарында өткөрүлөт.
Текшерүүнүн алкагында Бишкек - Нарын - Торугарт, Бишкек - Ош багытында оор жана коопту жүктөрдү ташыган унаалардын техникалык абалы жана тийиштүү уруксат кагаздары текшерилип, аныкталган кемчиликтер үчүн катуу чаралар көрүлөт.
