Бишкек, 23.09.25. /Кабар/. Каракол шаарынан Челпек айылына алып баруучу 7 чакырым унаа жолуна асфальт төшөлүүдө. Бул тууралуу "Кыргызавтожол" мамлекеттик ишканасынан билдиришти.
Маалыматка ылайык, учурда жолдун негизи даярдалып, асфальт төшөө иштери жүрүүдө. Буга чейин жолдун 1,5 чакырым тилкесине эки тараптуу асфальт төшөлүп, иштер андан ары уланууда.
Каражат Мамлекеттик капиталдык салымдар беренесинен каралып, иштер №35 Жол тейлөө ишканасы тарабынан аткарылууда.
Бул жолдун бүткөрүлүшү Челпек айылынын элине Каракол шаарына барууну кыйла жеңилдетет.
