Бишкек, 07.11.26. /Кабар/. Сокулук районунун тургундары менен болгон жолугушууда караколдук ишкер Данияр Батырбеков президент Садыр Жапаровго кайрылып, 4 инвестициялык долбоорду сунуштады.
Анын айтымында, ишкер сүттү кайра иштетүү менен алектенген “Ала-Тоо Сүт” кооперативинин директору болуп саналат. Ишкана күн сайын 50 тонна сүт кабыл алып, 130 адамды жумуш менен камсыз кылат.
Ишкер мамлекеттик “100 ишкана”программасынын алкагында төрт долбоорду сунуштаганын билдирди:
- балмуздак өндүрүү жана экспорттоо;
- бөтөлкөгө куюлган суу өндүрүү.
- Каракол шаарында аянты 100 миң чарчы метрди түзгөн транспорттук-логистикалык борбор куруу;
- 2 миң баш малга эсептелген ферма түзүү.
Азыркы скважина күнүнө 100 миң литрге чейин таза суу чыгарууга мүмкүндүк берет.
Өз кезегинде президент Садыр Жапаров сунушталган долбоорлор менен таанышып чыгарын билдирди.
