Бишкек, 25.11.25 /Кабар/. 6-декабрда "Каракол" тоо лыжа базасында өлкөнүн эң жаркын кышкы фестивалы – JARYK Fest 2025 өтөт. Бул тууралуу Кыргызстанда Туризмди өнүктүрүүнү колдоо фондунан билдиришти.
Иш-чара кышкы сезондун ачылышына карата уюштурулуп, маданият, музыка, кышкы активдүүлүк жана башкы шоу – Mass Descent of Nations (улуттук кийимдер менен тоодон ылдый түшүү) менен коштолгон улуттук фестиваль болору белгиленүүдө.
"Керемет окуянын бир бөлүгү болгуңуз келеби? Анда бизге кошулуңуз! Бренд-зоналар, активдүү интеграциялар, аянтчаларды колдоо – биз сиздин брендиңизди жаркырата турган форматты табабыз", – деп кайрылышты фонддон.
Байланыш телефону: +996 559 960633.
