Бишкек 13.05.25 /Кабар/. Каракол шаарындагы стадиондун оңдоп-түзөө иштери аягына чыгарылууда. Бул тууралуу Кыргыз футбол биримдигинен билдиришти.
Жаңыланган стадиондун салтанаттуу ачылышы 23-майда өткөрүлүп, андан соң пайдаланууга берилет.
Маалыматта белгиленгендей, реконструкциянын алкагында стадион заманбап түрдө жасалгаланып, трибуналар жаңыланып, улуттук чемпионаттын талаптарына жооп бергидей инфраструктура орнотулду.
Ошондой эле Кыргыз футбол биримдигинен кошумчалашкандай, оңдоп-түзөө иштеринен өткөн стадион Кыргызстандын Премьер-Лигасында Каракол шаарын таанытып жүргөн "Барс" футбол клубунун машыгуучу аренасына айланат.
