Бишкек, 09.07.25. /Кабар/. Каракол шаарында курулуш чегинен чыккан тосмолор алынууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Мыйзамсыз курулуштарды алуу иштери Ысык-Көл регионалдык шаар куруу жана архитектура башкармалыгы тарабынан жүргүзүлүүдө. Учурда Масалиев көчөсүндөгү курулуш чегинен чыгып кеткен тосмолор жана курулмалар аныкталып, демонтаждоо иштери башталды.
Белгилей кетсек, Масалиев көчөсүндөгү жолдун курулушу бир жума мурун башталган. Аталган көчөнүн жолу оңдолуп, тратуар салынат.
