Бишкек, 21.05.26. /Кабар/. Каракол шаардык "Тазалык" муниципалдык ишканасына төрт жаңы кызматтык унаа тапшырылды. Бул тууралуу муниципалитеттен билдиришти.
Унаалардын ачкычын мэрдин орун басары Нурлан Момбеков тапшырып, ишкананын эмгек жамаатына ийгиликтерди каалады. Ал өз сөзүндө шаар тазалыгы — шаар маданиятынын күзгүсү экенин белгилеп, күн-түн дебей эмгектенип жаткан кызматкерлердин иши өтө жоопкерчиликтүү жана маанилүү экенин айтты.
Белгилей кетсек, унаалар "Тазалык" муниципалдык ишканасынын ишин жакшыртуу, техникалык базасын чыңдоо жана коммуналдык кызматтарды заман талабына ылайык жүргүзүү максатында лизинг шарттары аркылуу алынды.
