Бишкек, 10.02.26. /Кабар/. Күн мурун Каракол – Эңилчек унаа жолуна кар көчкү түшкөн. Бул тууралуу ӨКМдин Ысык-Көл облустук башкармалыгынан билдиришти.
Кар көчкү аталган унаа жолдун 82-84-чакырымдарындагы Чоң-Ашуу ашуусунда эки жерден түшүп, жалпы көлөмү 8 270 куб метрди түзгөн. Анын ичинен 760 куб метр кар көчкү унаа жолго чейин жеткен.
Жабыркагандар жок. Жерине №11 Жол тейлөө ишканасынын техникалары тартылып, унаа жол тазаланып, ачылган.
