Бишкек, 11.08.25. /Кабар/. Кара-Суу районуна караштуу Кыргызстан айылындагы көп жылдан бери курулушу бүтпөй келген №31 О.Курбанбаев атындагы мектеп бүткөрүлдү.
Курулуш, архитектура жана турак жай-коммуналдык чарба министрлигинен билдиришкендей, билим берүү уюмунун жалпы аянты 2 478 чарчы метрди түзөт.
Мектеп заманбап талаптарга жооп берген эки кабаттуу окуу корпус жана спорт залынан турат. Негизги окуу класстарынан тышкары лаборатория, компьютердик класс, конференц-зал, кыздар жана балдар үчүн эмгек класстары каралган.
Белгилей кетсек, эски мектептин биринчи имараты 1979-жылы малчылар үчүн турак жай болуп курулуп, кийин мектеп катары колдонулган. Ал эми 1985-жылы бала бакча багытындагы кошумча корпусу салынып, бирок окуучулар билим ала баштаган.
