Бишкек, 07.07.26. /Кабар/. Кара-Суу районунун Ак-Колот айылында заманбап үлгүдөгү 150 орундуу жаңы мектеп курулууда.
Курулуш, архитектура жана турак жай-коммуналдык чарба министрлигинен билдиришкендей, объекттин курулушу республикалык бюджеттин эсебинен каржыланууда. Тендердик баасы 119 млн сомду түзөт.
"Долбоорго ылайык мектеп үч блоктон турат. Анда окуу класстары, лаборатория, китепкана, ашкана, жыйындар залы жана спорт залы каралган. Имараттын жалпы аянты 1085 чарчы метр", - деп айтылат маалыматта.
Мындан тышкары, волейбол, баскетбол жана футбол ойноо үчүн ачык спорт аянтчалары курулат.
