Бишкек, 03.09.25. /Кабар/. Кара-Суу районунун Төлөйкөн айылында 1000 тонна мөмө-жемиштерди сактоого жана тоңдурууга ылайыкташкан соода-логистикалык борбор курулууда.
Суу ресустары, айыл чарба жана кайра иштетүү өнөр жайы министрлигинен билдиришкендей, борбор "Азия Органикс" ишканасы тарабынан курулуп, учура бүтөөрүнө аз калды.
Долбоордун жалпы баасы 28 млн сомду түзүп, Дүйнөлүк банктын “Ош шаарын жана Ош облусун өнүктүрүү” долбоорунун алкагында каржыланууда.
Учурда борбордун курулуш жана тиешелүү документация иштерин аткаруу жүрүп жатат. Жаңы борбор аймактагы айыл чарба өндүрүүчүлөрү үчүн чоң мүмкүнчүлүк түзүп, түшүмдү жоготпостон сактоого, сапаттуу логистикага жана ички-тышкы рынокко чыгууга шарт жаратат.
Маалымат үчүн: Жаңы соода-логистикалык борбор ишке берилген соң, фермерлердин продукциясы узак мөөнөт сакталып, жергиликтүү экономиканы өнүктүрүүгө жана жаңы жумуш орундарын түзүүгө өбөлгө болот.
