Бишкек, 30.12.25. /Кабар/. Бүгүн Кара-Суу шаарында Шаар куруу жана архитектура башкармалыгынын жаңы административдик имараты пайдаланууга берилди. Бул тууралуу Курулуш, архитектура жана турак жай-коммуналдык чарба министрлигинен билдиришти.
Жаңы административдик имараттын курулушу 2025-жылдын май айында башталган.
Жаңы имарат заманбап стандарттарга ылайык курулуп, кызматкерлер үчүн ыңгайлуу эмгек шарттары жана жарандар үчүн жеткиликтүү кызмат көрсөтүү мүмкүнчүлүктөрү түзүлдү.
Белгилей кетсек, буга чейин башкармалыктын имараты жок болгондуктан, кызматкерлер 1951-жылы курулган эки кабаттуу турак үйдүн биринчи кабатында ижарада иштеп келген.
