Бишкек, 01.06.26. /Кабар/. Ош токой чарбасынын Кара-Суу токойчулугуна караштуу Чыйырчык тилкесинде экме токойдун аянтын кеңейтүү жана толуктоо иштери жүрдү. Бул тууралуу Токой кызматынан билдиришти.
Иш-чаранын алкагында атайын жабык тамыр системасында өстүрүлгөн 400 түп кызыл карагай көчөтү отургузулду. Ошондой эле жаш көчөттөрдү сактап калуу максатында экме токойдун айланасын кайрадан бекемдеп тосуу иштери аткарылды.
Бул аянт алгач 2023-жылы "Жашыл Мурас" улуттук өнөктүгүнүн алкагында негизделген.
