Бишкек, 16.07.25. /Кабар/. Кара-Суу шаарынын жолдору кеңейтилет, - деп билдирет Курулуш, архитектура жана турак жай-коммуналдык чарба министрлиги.
Маалыматка ылайык, учурда шаардын негизги деп эсептелинген Ленин жана М.Абдыкеримов көчөлөрүн кеңейтүү боюнча эскиздик долбоор иштелип чыкты. Долбоордо жалпы узундугу 6 300 метрди түзгөн көчөнүн транспорттук мүмкүнчүлүгүн жогорулатуу каралган.
Унаа жолун 6 тилкеге чейин кеңейтүү пландалган, анын туурасы орточо 19 метрди түзөт. Жолдун эки тарабында жөө жүргүнчүлөр үчүн 2,5 метрлик тротуар, 2 метрлик веложол жана 2 метрлик жашылдандыруу тилкелери каралган.
Долбоор Кара-Суу шаардык шаар куруу жана архитектура боюнча башкармалыгы тарабынан иштелип чыкты.
