Бишкек, 26.06.25. /Кабар/. Кара-Суу шаарындагы канализация куруу иштери башталды. Бул тууралуу мэриядан билдиришти.
Маалыматка ылайык, бул долбоор 2017-жылы башталып, Европа өнүктүрүү банкы тарабынан каржыланган. Бирок, айрым себептерден улам иш солгундап, ушул күнгө чейин каржылоо маселеси чечилбей келген.
Жакында Жогорку Кеңештин депутаттары жана район акиминин аракети менен каржылоо маселеси чечилип, курулуш иштери кайрадан жанданды. Учурда казып-көмүү иштери жүрүп жатат.
Президенттин Ош облусундагы өкүлү Элчибек Жантаев жана облустук жетекчилер иштер менен жеринде таанышып, бир катар тапшырмаларды беришти.
Долбоордун жүрүшүн жана үзгүлтүксүз улануусун Кара-Суу шаарынын мэри Ислам Эрмаматов өз көзөмөлүнө алды.
