Бишкек, 09.07.25 /Кабар/. Ош облусунун Кара-Суу районунун Кара-Суу шаарынын аймагында мыйзамсыз курулуштарга бөгөт коюу жана аларды бузуу боюнча иштер уланууда.
Бүгүн, 8-август күнү, Президенттин Ош облусундагы ыйгарым укуктуу өкүлүнүн орун басары Илияз Ташбаев жана Кара-Суу районунун акими Канат Табалдиев Кара-Суу шаарынын Эркин айылына барып, жергиликтүү тургундар менен жолугушуп, түшүндүрүү иштерин жүргүзүштү. Жетекчилер жүргүзүлүп жаткан иштер мыйзам чегинде экенин белгилешип, бузулуп жаткан турак үйлөр мунапыстан кийин, 2022-жылдан тартып салына баштаганын эскертишти.
Бул иштердин негизги максаты – коомдук тартипти жана коопсуздукту камсыз кылуу, ошондой эле мыйзамдуулукту сактоо болуп саналат.
