Бишкек, 27.08.25 /Кабар/. Кара-Кулжа районунда үч кабаттуу Калкты тейлөө борборунун курулушу жүрүп жатат. Бул тууралуу Курулуш, архитектура жана турак жай-коммуналдык чарба министрлигинен билдиришти.
Малыматка ылайык, учурда жер төлөнүн темир-бетон дубалдарынын курулушу аяктап, биринчи кабаттын колонналарына бетон куюлууда.
Курулуш республикалык бюджеттин эсебинен каржыланып, долбоордун жалпы наркы 150 млн сомду түзөт. Курулуш иштери Ош облустук архитектура башкармалыгынын долбоору боюнча аткарылууда, подряддык уюм "Чин-Алин" ЖЧКсы.
Объектини пайдаланууга берүү 2025-жылдын декабрь айына пландаштырылган.
