Бишкек, 19.08.2025. /Кабар/. Кара-Кулжа районунун Кара-Кулжа айылында 275 орундуу жаңы мектеп курула баштады. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, объектинин курулушу республикалык бюджеттин эсебинен каржыланат.
Долбоорго ылайык, окуу имараты 4 блоктон туруп, жалпы аянты 3503,84 чарчы метрди тузөт.
Бүгүнкү күндө окуу имаратынын жер казуу иштери 100 пайыз аткарылды.
