Бишкек, 07.08.25 /Кабар/. Кара-Кулжа районуна караштуу Ылай-Талаа айылындагы Т.Назаров атындагы жаңы мектеп курулууда.
Курулуш, архитектура жана турак жай-коммуналдык чарба мамлекеттик агенттигинен билдиришкендей, курулуш иштери республикалык бюджеттин эсебинен башталды.
Долбоор боюнча мектеп 150 орунга ылайыкталып, эки кабаттуу окуу корпус, өтмө галерея жана спорт залы менен курулат. Мындан тышкары, сырткы кичи футбол талаасы жана волейбол, баскетбол аянтчалары да каралган.
Мектептин жалпы аянты 1000 чарчы метрди түзөт.
Курулуш-монтаждоо иштери Турак жай-жарандык курлуш департаменти тарабынан көзөмөлдөнөт.
