Бишкек, 08.06.26. /Кабар/. Жалал-Абад облусундагы Кара-Дарыя – Нефти-Пром – Үч-Мазар – Дөш унаа жолун кеңейтүү иштери дээрлик аяктап, учурда шагыл төшөө жумуштары жасалууда.
Транспорт жана коммуникациялар министрлигинен билдиришкендей, учурда бул жолдун туурасы болгону 7 метр болуп, тар жана асфальтталган эмес. Азыр ал 10-12 метрге чейин кеңейтилип, заманбап талаптарга ылайыкталып курулууда.
"Жалпысынан 7,25 чакырым аралыкка алгачкы жолу толук асфальт төшөлөт.
Учурда министрликтин атайын техникалары тартылып, бардык иштер ырааты менен өз убагында аткарылууда", - деп айтылат маалыматта.
Долбоор толугу менен ишке ашкандан кийин айылдардын ортосундагы транспорттук каттам жакшырып, калктын жашоо шарты кыйла жеңилдейт.
