Бишкек, 24.02.25. /Кабар/. Кара-Балта шаарында коомдук мончо жана анын жер тилкеси мамлекетке кайтарылды. Бул тууралуу Башкы прокуратурадан билдиришти.
Жайыл райондук прокуратурасы тарабынан "Мүлккө муниципалдык менчик жөнүндө" мыйзамынын аткарылышына жүргүзүлгөн текшерүүдө, Кара-Балта шаарынын Мира көчөсүндө жайгашкан коомдук мончонун имараты менен аянты 0,21 га жер тилкеси мыйзамсыз жеке менчикке чыгарылып кеткендиги аныкталган.
Прокуратура тарабынан көрүлгөн иш-аракеттердин натыйжасында, жалпы 69 млн 31 миң 200 сомго бааланган мончонун имараты жана жер тилкеси муниципалдык менчигине кайтарылды.
