Бишкек, 23.05.25. /Кабар/. Айтматов районунда мыйзамсыз менчиктештирилген 6 млн сомдук жер тилкелер мамлекетке кайтарылды. Бул тууралуу Башкы прокуратурадан билдиришти.
Маалыматка ылайык, Айтматов райондук прокуратурасы тарабынан жүргүзүлгөн текшерүүдө Жоон-Дөбө айылында жайгашкан турмуш тиричилик үйүнүн 0,33 га жана райондук ооруканага тиешелүү 0,62 га жер тилкеси жеке жактардын менчигине мыйзамсыз берилип кеткендиги аныкталган.
Көрүлгөн прокурордук чаралардын негизинде жалпы баасы 6 млн сомдук жогоруда белгиленген мүлкттөр мамлекетке кайтарылды.
