Бишкек, 13.03.26. /Кабар/. Бүгүн, 14-мартта саат 14:00дөн 18:00гө чейин Бишкек – Нарын – Торугарт унаа жолунун 294-304-чакырым аралыгында (Кара-Үңкүр капчыгайы) кар көчкүнү атайлап атып түшүрүү иштери жүргүзүлөт.
Транспорт министрлигинен билдиришкендей, кар көчкүнү атып түшүрүү иштерине байланыштуу аталган тилкеде жол кыймылы убактылуу жабылат.
"Айдоочулардан түшүнүү менен кабыл алып, коопсуздук талаптарын так сактоону жана мүмкүнчүлүк болсо көрсөтүлгөн убакыт аралыгында бул тилкеде сапарга чыкпоону өтүнөбүз", - деп айтылат маалыматта.
Кошумча маалымат берилет.
