Бишкек, 13.04.26 /Кабар/. Кадамжай районунун Совет айылында 2 миң тургун таза суу менен камсыздалат. Бул тууралуу Суу ресурстары, айыл чарба жана кайра иштетүү өнөр жайы министрлиги билдирет.
Маалыматка ылайык, тургундарды үзгүлтүксүз жана таза ичүүчү суу менен камсыздоо - “Климаттын өзгөрүүсүнө туруктуу суу чарба кызматтарын жакшыртуу” долбоорунун алкагында уланууда.
"Курулуш иштери 2026-жылдын экинчи кварталында аяктоо пландалууда. Бул, өз кезегинде, аймактагы санитардык-гигиеналык абалды жакшыртып, жугуштуу оорулардын алдын алууга да олуттуу салым кошот", — деп айтылат маалыматта.
