Бишкек, 25.09.25. /Кабар/. Баткен облусунун Кадамжай районуна караштуу Кара-Дөбө айылындагы 225 орундуу жаңы мектеп быйыл пайдаланууга берилет.
Билим уясы республикалык бюджеттин эсебинен курулуп, наркы 75,9 млн сомду түздү. Азыркы тапта курулуш-монтаждоо иштери акыркы этабына жетти.
Жалпы аянты 1546 чарчы метрди түзгөн имарат; эки кабаттуу окуу курпусунан, өтмө галереядан жана спорт залынан турат.
Эски мектептин имараты 1964-жылдары курулуп пайдаланууга берилген.
