Бишкек, 01.10.25. /Кабар/. Баткен облусунун Кадамжай районунун Үч-Коргон айыл аймагында 90 орундуу, үч кабаттан турган, көп функционалдуу оорукананын курулушуна мезгил кутусу салынды.
Өкүлчүлүктөн маалымдагандай, иш-чарага облус жетекчисинин орун басары Абдирашит Ташбалтаев, “Ассанабиль” кайрымдуулук фондунун жана Кувейттин Шейх Абдулла Нурий уюмунун жетекчилери, жергиликтүү тургундар катышты.
Оорукана Шейх Абдулла Нурий уюмунун каржылоосу менен курулууда.
Жаңы медициналык жайдын курулушу калктын сапаттуу медициналык кызматтарга жеткиликтүүлүгүн камсыз кылууга багытталган.
Ооруканада эркектер, аялдар жана балдар үчүн ички оорулар бөлүмдөрү, гинекология жана акушердик бөлүм, жалпы хирургия, кардиология жана башка бөлүмдөр жайгашат.
