Бишкек, 19.11.25. /Кабар/. VI Ислам шериктештиги оюндарында кыргыз балбаны Раззак Бейшекеев коло медаль утту.
Дене тарбия жана спорт мамлекеттик агенттигинен билдиришкендей, мелдештер Сауд Арабия Падышалыгында өтүп жатат.
Ал 67 кг салмак категориясындагы таймашта 3-орун үчүн болгон беттеште Египеттин балбаны Мохамед Абдельрехимди 9:0 эсебинде жеңип, коло байгеге ээ болду.
