Бишкек, 23.05.25./Кабар/. Кыргызстандын ок атуу спорту боюнча улуттук курама командасынын мүчөсү Имандос Бектенов Дүйнө кубогунда 2-орунду ээледи.
Дене тарбия жана спорт мамлекеттик агенттигинен билдиришкендей, мелдеш Германиянын Зуль шаарында өтүүдө.
Имандос Бектенов квалификациялык бөлүктө 579 упай топтоп, экинчи орунду ээлеп финалга чыккан. Ал эми финалдык беттеште 240.2 упай топтоп, күмүш медалга ээ болду.
Эске салсак, 19-май күнү башталган мелдеш 25-майда жыйынтыкталат.
