Бишкек, 10.07.26. /Кабар/. Чет өлкөлүк жарандар арасында алдын алуу жана түшүндүрүү иш-чаралары өткөрүлдү. Бул тууралуу ИИМден билдиришти.
Маалыматка ылайык, иш-чаранын башкы максаты өлкөдөгү коомдук-саясий туруктуулукту сактоо, улуттар аралык ынтымакты чыңдоо жана чет өлкөлүктөр менен жергиликтүү калктын ортосундагы мүмкүн болгон чыр-чатактарды алдын алуу болуп саналат.
Чет өлкөлүк жарандарга миграциялык мыйзамдардын талаптарын аткаруу, коомдук тартипти бузбоо жана укук бузуулардын алдын алуу боюнча кеңири маалымат берилди.
Милиция кызматкерлери акча которуу, ортомчулук кызматтар, жумушка орноштуруу жана мүлк сатып алуудагы ар кандай алдамчылык схемалары тууралуу өзгөчө эскертишти. Шектүү сунуштарга ишенбей, сак болуу сунушталды.
ИИМ жарандыгына карабастан, өлкө аймагындагы ар бир инсанды Кыргызстандын мыйзамдарын так сактоого жана мыйзамсыз аракеттерге туш болгон учурда дароо милицияга кайрылууга чакырат.
