Бишкек, 06.09.25. /Кабар/. Бүгүн III Түрк Универсиадасынын алкагында стол тенниси боюнча мелдештер уланууда.
Дене тарбия жана спорт агенттигинен маалымдашкандай, оюндар 5-сентябрда Ысык-Көл облусунун Өрнөк айылында башталган. Бүгүн турнирдин экинчи айлампасы өтүп, Азербайжан, Түркия, Казакстан жана Кыргызстандын спортчулары эркектер арасындагы командалык мелдеште күч сынашууда.
Ошондой эле кыз-келиндер арасындагы беттештер өтүүдө. Ал эми эртең, 7-сентябрда жекелик мелдештер болот.
