Бишкек, 01.10.25. /Кабар/. 30-сентябрда Азербайжандын Мингечевир шаарындагы “Кюр” олимпиадалык окуу-спорт борборунда III КМШ оюндарында таэквондо боюнча мелдештер жыйынтыкталды.
Дене тарбия жана спорт департаментинен билдиришкендей, жыйынтыгында кыргызстандык үч спортчу байгелүү орундарды ээледи:
- Нурхан Самидинов (58 кг чейин) – күмүш медаль;
- Абдульазым Абдурахимов (+87 кг) – күмүш медаль;
- Рамазан Дыйканбаев (68 кг чейин) – коло медаль.
Белгилей кетсек, 28-сентябрда Азербайжанда Көз карандысыз Мамлекеттер Шериктештигинин (КМШ) III оюндары башталган. Оюндар 8-октябрда жыйынтыкталмакчы.
Жалпысынан III КМШ оюндарында 13 өлкөдөн келген 1624 спортчу күч сынашууда.
