Бишкек, 16.06.25. /Кабар/. 15-июнда Бишкектеги Опера жана балет театрында III Бишкек эл аралык кинофестивалы жыйынтыкталды. Бул утуралуу Маданият, маалымат жана жаштар саясаты министрлигинен билдиришти.
Кинофестивалдын жабылыш аземи Бишкек мэриясынын камералык оркестринин концерти менен ачылып, андан кийин фестивалдын расмий интросу жана бир нече күнгө созулган иш-чаранын жүрүшүн чагылдырган видео-ролик көрсөтүлдү.
Андан ары Эл аралык, Борбор Азия жана KyrgyzBox багытындагы үч сынак боюнча тасмалардын жеңүүчүлөрү аталып, байгелер тапшырылды.
Калыстар тобу тасмаларды режиссёрлук, актёрдук чеберчилик, көркөмдүк жана визуалдык дизайн сыяктуу критерийлер боюнча баалашканын айтышты.
Эл аралык конкурсунун жеңүүчүлөрү:
– Мыкты оператордук иш — “Качкын” — Болсунбек Таалайбек уулу;
– Мыкты актёрдук иш — “Водитель города тишины” — Тувшинбаяр Амартувшин;
– Мыкты режиссёр — Сэнгэдорж Жанчивдорж — “Водитель города тишины”;
– Гран-при, мыкты фильм үчүн — “Крик тишины” — Те Мо Наинг.
Жалпы сыйлык фонду: 1,5 млн сомду түздү:
KyrgyzBox конкурсунун жеңүүчүлөрү:
– Мыкты фильм — “Ашыгым” — Руслан Акун, Азиза Кхалбекова, Манас Калдаров;
– Мыкты режиссура —“Өч” — Илгиз Куватбек жана Шамилбек Бекбосун уулу;
– Мыкты актёрдук иш — “Аяш 4”— Динара Багышпаева;
– Мыкты оператордук иш— “Күрөш” — Нурбек Мамбетисаев.
Борбор Азия конкурсунун жеңүүчүлөрү:
– Гран-при, мыкты фильм үчүн — "Мерген" — KyrgyzFilm студиясы, CityLab Production, Чынгыз Нарынов;
– Мыкты режиссура —“Joqtau”— Аруан Анартай;
– Мыкты актёрдук иш —“Авель” — Ерлан Толеутай;
– Мыкты сценарий — “От” — Дастан Мадалбеков жана Айзада Бекбалаева.
Жалпы сыйлык фонду 1,5 млн сом.
