Бишкек, 10.12.25. /Кабар/. "Оштогу көрктөндүрүү жана жашылдандыруу чарба комбинаты" ишканасынын жаңы күнөсканасы курулууда.
Муниципалитеттен билдиришкендей, учурда күнөскананын каркасы орнотулуп бүттү, керектелүүчү материалдар Кореядан алып келинди.
Жаңы күнөскана заман талабына ылайык соңку технологиялар менен жабдылат. Гүлдөрдү сугаруу, жылытуу жана желдетүү системалары толугу менен автоматташтырылып, иш процесси бир топ жеңилдейт.
Ошондой эле жумушчулар үчүн жатакана, ашкана жана башка керектүү шарттар да түзүлөт.
