Бишкек, 16.11.26. /Кабар/. Алай районундагы Гүлчө шаарында 120 орундуу бала бакча курулууда.
Курулуш, архитектура жана турак жай-коммуналдык чарба министрлигинен билдиришкендей, учурда курулуш иштеринин 85 пайызы аткарылды.
Долбоор Турукташтыруу фондунун эсебинен каржыланып, жалпы наркы 97 млн сомду түзөт. Курулуш ушул жылдын апрель айында башталган.
"Эки кабаттуу имараттын жалпы аянты 1 321 чарчы метрди түзөт. Анда уктоочу жана оюн бөлмөлөрү, сабак өтүүчү жайлар, ашкана жана дарыгердин кабинети каралган. Ошондой эле балдар үчүн оюн аянтчасы курулууда", - деп айтылат маалыматта.