Бишкек, 08.07.26 /Кабар/. Бишкекте жылуулук сезонуна даярдык көрүү максатында Фрунзе көчөсүндөгү жылуулук тармактарын пландуу жаңылоо иштери уланууда.
“Бишкек жылуулук тармагы” муниципалдык ишканасынын маалыматына ылайык, иштер бекитилген графикке ылайык жүргүзүлүп жатат.
"Учурда адистер траншеяларды казып, жаңы түтүктөрдү жана темир-бетон лотокторун орнотуп, ширетүү иштерин жүргүзүүдө. Ошондой эле түтүктөргө дат басууга каршы коргоочу катмар жана жылуулук изоляциясы жабылып, тилкеде жаңы жылуулук камералары курулуп жатат",-деп айтылат маалыматта.
