Бишкек, 10.08.26. /Кабар/. Франциядагы Луара дарыясында суунун деңгээли кескин төмөндөп, критикалык чекке жетти. Буга аптаптуу ысык жана кургакчылык себеп болууда. Бул тууралуу БелТА агенттиги жазды.
Луароксанс шаарынын мэри Жан-Поль Юэнин айтымында, дарыядагы суунун деңгээли февраль айына салыштырмалуу 8-9 метрге төмөндөгөн. Ал мезгилде аймакта тарыхый деңгээлдеги суу ташкыны катталган.
Мэр жакынкы күндөрү жаан-чачын болбосо, шаарда ичүүчү сууну пайдаланууга убактылуу чектөө киргизилиши мүмкүн экенин билдирди.
Луаранын жана Европадагы Рейн, Дунай сыяктуу башка дарыялардын тайызданышы акыркы айларда жаан-чачындын аздыгы жана абанын адаттан тыш ысык болушу менен байланыштуу.
Луара дарыясы мурда ушундай көрүнүштө болгон.
